بيتزا رولي..من مطبخي + الصور

السلام عليكم ورحمة الله وبركاته

درت
هاد الايام وصفة ضيفة شميشة.. البيتزا على شكل شنيك او بالاحرى رولي لانها
ماعطاتش الطوع تكون شنيك وعاد كانت فكرة زوينة انها تجي على شكل عين
مقادير العجين اللي عطات السيدة هي
الدقيق
زعيترة
شي ملعقة زبدة لينة
الخميرة المعجونة
سنيدة
ابزار
ملح
وانا زدت شزية زيت بلدية وغبرة الثوم وخل باش نفتي اكثر العجينة وشوية كنور
العجن عادي ويرتاح
ثم يتطلق بالدلاك ويدهن بصوص طوماط انا درت معاها كيتشوب وملح وسكر وبودرة الثوم
ثم البصل مشحر والفلفلة مشحرة وماكان عندي الزيتون درت الفطر
وعلبتان من الطن انا كنفضل فالبيتزا ندير ديال لاصوص طوماط وهي دارت دالزيت
ثم الفروماج
يعني قوام عادي
المهم تلوى وتدخل للمجمد باش تطاوعنا فالتقطاع
ترش من جديد بالفروماج وتطيب على حرارة متوسطة
انا شي رشيتو بالفروماج وشي لا باش يبقى المنظر ديال الرولي باين
جات زوينة ومبدلة وتصلاح للاحتفاظ في المجمد للضياف
غير هو اللي بغاها للاستهلاك الشخصي وللوليدات يدير حصص كتوسطة واللي بغا يخبي للضياف يدير حصص صغيرة

















في امان الله