'طبعي عزيز النفس

زادتني الدنيا على اوجاعي اوجاع
لكن ذالدنيا على الله جزاها
ماني من اللي يوزن الصاع بالصاع
اسامح الاقراب وادمح خطاها
من حر مابي اضرب اخماس وارباع
ماعاد اميز مرها من حلاها
حاولت اعالج عله بين الاضلاع
حاولت لكن ماحصل لي دواها
حتى القريب اللي معه كنت فزاع
كحل عيوني ثم سبب عماها
من سبته ضاعت خطايه على القاع
ضاعت ولا دري وين ياصل مداها
مانيب سلعه بين شاري وبياع
ولاني رخيص النفس مدرك غلاها
طبعي عزيز النفس مانيب طماع
ماحايل الدنيا ولاجري وراها
وللوصل للاقراب مانيب قطاع
اواصل اقرابي ودور رضاها